AFFIE 2010 FEESJAARAANDENKINGS
Die Afrikaanse Hoër Meisieskool vier vanjaar met dankbaarheid haar 90ste bestaansjaar. Om hierdie heuglike gebeurtenis te gedenk, het ons 'n versilwerde suikerlepeltjie laat maak met die skoolwapen.
Befaamde oudaffie beeldhouer, Sanna Swart, het ook twee soorte beeldjies gemaak (een van glasvesel en een van pewter) wat die boerenooientjie versinnebeeld. Die voetstukkies waarop die beeldjies staan, dra Sanna se handtekening en 'n nommer.
Hierdie twee items het elk ‘n unieke karakter. Albei sal gesogte versamelaarsitems wees, maar veral vir elke Affie ‘n besondere aandenking aan 90 tradisieryke jare.
Die items sal vanaf Maandag 1 Februarie gedurende skoolure (07:15 - 14:00) by die skool beskikbaar wees.
1 x silwer suikerlepeltjie @ R190
1 x glasvesel beeldjie (brons voorkoms) @ R80
1 x pewter beeldjie @ R200
FEESJAARBUNDEL
Nog 'n inisiatief is om 'n digbundel die lig te laat sien vanuit Affiegeledere: in professionele beroepe, die vermaaklikheidsbedryf, die kunste, tuisteskeppers, skoliere of waar ook al.
Die reaksie op die uitnodiging om bydraes in te stuur vir die digbundel was oorweldigend positief.
Die bekendstelling van die Feesbundel word beplan vir 7 Oktober 2010.
Bundels kan reeds bestel word by die skool @ R110
REüNIEDAG VIR ALLE JAAGROEPE BY AHMP:
SATERDAG 4 SEPTEMBER 2010
10:00 - 14:00
Kontak asb die sameroeper van jou jaargroep of
doen navraag by die skool.
Ook:
Lizz Meiring in kabaret met skemeronthaal
4 September 18:00
Maskerteater, UP
R140 p.p (onthaal ingesluit)
Besprekings by die skool
TOPSKOLE
Dit is amptelik, aldus die ondersoek geloods deur Sunday Times se navorsers: Affies is die beste akademiese presteerder in die provinsie.
In die land neem ons die derde posisie in as beste skool.
|
